كرزكانـ.ـكم نعتز بخدمتكم
عطوني رايكم
.
.
كملت 18 سنة وتخرجت من الثانوية، وفرحت وفرّحت كل أحبتي بهذا التخرج، وبعد ما كنت طالبة مدرسة، صرت طالبة جامعة، وهذا كله طبيعي، ومرة رن تلفوني، كان رقم غريب، المهم، بعد الاستفهام طلعت هذي أم تبحث لولدها عن عروس في عمري، وما أدري من رشحتني ليها، وعطتها رقمي، ما صار نصيب من أول مكالمة، ونسيت الأمر، إلا بعد فترة رد جاني رقم غريب، وطلع الموضوع هو نفسه، بس من ناس غير، بعدها زادت مثل هالاتصالات لدرجة نرفزتني شوي، فاظاهر إن اللي مرشحتني موزعة رقمي لكل وحدة تدور عروس لولدها أو أخوها… الخ، وطبعًا بدون علمي ولا رضاي، ولا استأذنت مني أو من عايلتي. .
.
نكمل السالفة، بعد كم سنة، صار النصيب وارتبطت بولد حلال يصوني ويحافظ عليي والحمد لله على النعمة، إلى اهني كل شي تمام، المشكلة إن مازالت تجيني عروض للزواج بعد زواجي، واظاهر اللي مشغلة روحها خطّابة ما تتأكد من إن أي بنت في لستتها انخطبت أو لا، وموهقة العالم، وهالشي كلش مضايقني ومضايق أهلي ، فهل حصل معاكم نفس الشي؟ وويش رايكم بهالتصرفات من البعض من عدم التأكد من رضاهم لأخذ أرقامهم، أو على الأقل التأكد من ارتباطهم أو لا؟!! .
.
عطوني رايكم
#الخطابة
#رأي
#كرزكان
#كرزكانكم
#أخبار_كرزكانكم
#منوعات_كرزكانكم
#قريتنا
#أخبار_القرية
#قريتنا_الحبيبة
#قرية_كرزكان
#أخبار_قرية_كرزكان
#قرى_البحرين
#مملكة_البحرين
#البحرين
#بحريننا
#bahrain
#karzakan
#karzakancom
#karzakancom_news
المصدر
المفروض تبحثون عن اللي يروج الرقم .. عشان تطيحون على الخطابه وتنهون المشكله